Nganjëherë po e pyes veten për këtë punën e mësimit dinamik që po harxhohet aq kohë që të marrësh një copë letër ku do shkruaj që ke kryer shkollimin universitarë. E gjithë kjo më duket si e kotë, a !!!
Jo po dua të them se kjo kohë, e kam fjalën për të fundit vinë Bozaxhinjtë e Leblebixhinjtë dhe të shesin mënd, blejnë Diploma nëpër Universitetet e ndryshme që po hapen si kërpudhat gjatë verës, ose të paktën ua blejnë ata shokët e “Partisë” që të mos thuhet demek se ja qenkan punësuar ashtu me shkollë fillore ose të mesme.
Mor po çe do këtë fjalë kur tani ka dalë një modë tjetër e cila po se pranove të shkatërron fare dhe të hedh në “Aut”. A e dini ju se cila është kjo ?! Jo se dini !!! Sot është marifet të kesh “LIBREZË PARTIAKE”, pa lere ti çfarë dreq diplome, çfarë diturie, ku jeton ti, më thonë.
Epo ja, bozaxhinj ja leblebexhinj tani po ta kryejnë fatin dhe ti me atë far qysh i thonë “diplomë” vetëm mund të fotografohesh, ose ta mbash si eksponat shtëpiak, si kujtim dhe ose ta varësh nëse do në mur.
Se kuptoj hiç, atëherë pse kishte nevojë që të hapej Universiteti i Evropës Juglindore ose ky shtetërori i Tetovës, kur diploma nuk pi ujë, por “LIBREZA E PARTISË”.
Të paktën, për librezën dhe nuk ka nevojë të humbësh nja 12 vite ashtu kot ose sa ishin, 16 më duket. Do vesh në “Parti” dhe do plotësosh një fletanëtarësie, pas ndonjë ditë do ta japin “LIBREZËN E PARTISË” dhe mbaroi puna.
Pastaj, do bësh dhe ca aktivitete partiake se ashtu shkon, po ja deshi nevoja do luajnë dhe grushtat mes anëtarëve që të zihet pastaj pozita më e përshtatshme në Parti, dhe ec e lëvize pastaj gurin nga vendi.
Po institucionet ç’thonë. Çarë nevojash kanë ato, për kuadro profesioniste apo për Ushtarë Partiak?!
Neve Shqiptarëve na u dha mundësia pas 60 vitesh që të mundemi vet të vendosim për shumë sende këtu në Maqedoni, por ne zgjodhëm mënyrën e gabuar të zgjidhjes së problemit tonë, andaj dhe nuk i zgjidhim dot këto dhe vinë e na grumbullohen pastaj që ku je ti!!!
Kështu ndodh dhe me Muzeun e Alfabetit Shqip në Manastir. Ata me Diploma Universitare kuadro profesioniste refuzohen nëpër Konkurset që i shpallin Leblebixhinjtë dhe Bozaxhinjtë, kurse vendet e tyre i zënë këta me “LIBREZAT PARTIAKE”.
E shtrohet pyetja pastaj, pse ta lodhësh kokën 16 vite ti humbësh kot në shkollim kur mundet me një fletanëtarësie të marrësh Librezë Partiake dhe të jesh i pari ndër të parët???!!!
Por ky nuk është rasti i vetëm. Ka raste më flagrante ku mbulohen institucione dhe me Teologë (Hoxhallarë), dhe me shkollë bile të mesme. Sidomos në institucionet e Kulturës kjo dukuri është më prezentë.
Në Manastir ka ndodh që drejtor i kopshtit Zoologjik të emërohet person me shkollën e mesme të Sanitarisë Ushtarake dhe atë me shkallën e tretë, pa patur shkollim të mesëm 4 vjeçar.
Pse ndodhte kështu? Sepse biri i botës kishte librezën partiake dhe kurrizin e fortë ku të mbështetej. Devalvimi i kuadrove me shkollim Universitar; dhe pas Universitarë me kushtëzimin; o anëtarësohu në Parti, ose s`të vlen diploma Universitare është një debakël i vet shqiptarëve që jetojnë në Maqedoni sepse ata nuk kanë as shtet e as pushtet që të lozin me të atilla lojëra. Nëse nuk nxirren përpara ata që janë të dëshmuar në lëmit potenciale do ndodh që ne nuk do jemi në gjendje që të drejtojmë me asnjë institucion sot e tutje edhe nëse u jepet mundësia për ta bërë at institucion, siç ndodhi rasti me Institutin e Trashëgimisë Shpirtërore, Historike e Kulturore në Shkup, ku nuk ndeji asnjë kuadër për drejtor, por pas pak kohësh u detyruan të japin dorëheqje, sepse mbetën vetë në ato hapësira, pa mjete dhe pa kuadro profesioniste.
Shqiptarët, edhe në sistemin e mëparshëm ishin të detyruar që të kishin libreza të kuqe të nënës parti, që të paktën të punësoheshin diku si mësues a si punëtorë. Ky kontinuitet nuk i la rehat edhe sot e kësaj dite dhe po i ndjek si Macja Miun.
Epo tani është koha e Leblebixhinjëve dhe Bozaxhinjve zaten. Shkojnë bijtë e botës dhe regjistrohen sot nëpër lloj lloj Universitetesh private a politike siç janë disa dhe kur ti shohish dalin Juristë, Ekonomistë, Menaxhues Ekonomik, Profesorë, bile dhe Akademik si titull. Po de po, pse ju çudisin këto informata.
Libreza e Partisë i bën gjithë këto punë grandioze, prandaj na shkojnë punët shumë përpara !!! Ja p.sh. unë njoh raste që sot janë bërë Ministra, kur e kanë hedh mistrinë nga dora duke punuar në. Eh, far lloj Ministrash, që sot të blejnë dhe të shesin më shpejtë se, dhe fët su bën syri.
Tani është koha kur vërtetë duhet çmuar dhe mbrojtur profesionalizmin e kuadrove shqiptare, dhe nëse jepet rasti që të menaxhohet një pjesë e qeverisë, të mos ketë nevojë ma me ndasitë, a ka librezë partie dikush apo jo, por duhet punuar për këtë popull të mjerë i cili pret përmirësime e jo dështime.
Nëse jo, shumica e kokave me tru plotë do shtegtojnë diku në perëndim për ta gjetur fatin e tyre të ekzistencës, sepse nuk duan të kenë libreza partie. Ne kemi shumë Xhon Bellusha, dhe Ferid Murata që sot nuk u jepet shansi të dëshmohen në profesionin e tyre, dhe prandaj do gjejnë shtigje atje ku mund të shkohet përpara pa libreza anëtarësie në parti.
Rrotullamasit Partiak që shkojnë si “Ringishpile”, ata kameleonë bëjnë çmos që të pozicionohen dikund. Ndërrojnë ideologjitë, partitë, si çorapet. Njoh të atillë që kanë koleksion librezash dhe kush vjen në pozitë, ata andej e kthejnë kurrizin. Por ç’është më e çuditshmja tek ne Shqiptarët se kjo po u trashigueka shumë lehtë. Ja seç dëgjova sot nga një mësues plak nga Manastiri i cili tani është i pensionuar. Duke u ndarë mend të tjerëve, ai pohoj se një njeri intelektual u dashka që të jetë si “Ringishpili”.
“Duhet ta kthesh Gunën andej nga fryn era”, u shpreh 75 vjeçari i cili plotësojë më tej se këta të rinjtë gjoja nuk e ditkan këtë lloj politike.
(Autori është kulturolog dhe gazetar i agjencisë së lajmeve INA